Bald samichlaust es wieder überall. Beim Eindunkeln verschwindet hinter der einen oder anderen Hausecke ein langer, roter Mantel, und an den einen oder anderen Baum wird ein müdes Eseli angebunden und wartet, bis die Reise weitergeht. In den Einkaufszentren verteilen die Chläuse Nüssli, im Rössli-Tram vom Untertor beschenkt der Samichlaus die Kinder mit Mandarinli und dieses Jahr mit Kinderthur-Biberli. Der Samichlaus und der Schmutzli besuchen die Kinder in den Schulen, Kindergärten und zu Hause. Und alle ausser den ganz Kleinen lieben den Mann im roten Kapuzenmantel mit dem langen, weissen Bart.

Für diejenigen, die noch ein Sprüchli suchen, wurden für Kinderthur.ch Samichlausversli gedichtet und es gibt sogar einen Samichlaus-Rap.

Last-Minute-Chlaus-Versli, gedichtet von Anina, Lena und Livia:

Samichlaus-Rap:

Sa-sa-samichlaus
Du bisch wieder da

Sa-sa-samichlaus
So wie jedes Jahr

Sa-sa-samichlaus
Das finded mir guät

Sa-sa-samichlaus
Vor allem ohni Ruät‘

Sa-sa-samichlaus
Dä Esel und dä Spatz

Sa-sa-samichlaus
Händ für dä Mandarinli-Schatz

Sa-sa-samichlaus
Sicher au viel gschafft

Sa-sa-samichlaus
Und träged jetzt die Lascht

Sa-sa-samichlaus
Usäm dunklä tüfä Wald

Sa-sa-samichlaus
Wiehnachtä isch bald

Sa-sa-samichlaus
Und du bsuächsch jetzt ois Chind

Sa-sa-samichlaus
Im chaltä, bissigä Wind

Sa-sa-samichlaus
Bisch sicher dänn au froh

Sa-sa-samichlaus
Wänn d‘ wieder hei chasch go

Sa-sa-samichlaus
Wo du häsch dini Ruäh

Sa-sa-samichlaus
Und chli chasch gmüetlich tuä

Samichlaus-Versli:

Samichlaus,
S Reh hät gseit,
Du chunnsch immer,
Wänns hät gschnäit!
(Livia, 12 Jahre)

Samichlaus,
Ich bin schon gross,
Aber du wirsch mich nie los!
(Livia, 12 Jahre)

Samichlaus du liebe Maa,
Häsch für eus au Säckli da?
Chumm zu ois zu oisem Hus
Und teil ois schnäll die Säckli us!
(Anina, 7 Jahre)

***

Samichlaus, Samichlaus, schön, dass d‘ wieder chunsch!
Samichlaus, Samichlaus, trink en heisse Punsch!
Samichlaus, Samichlaus, chunnsch vom tüüfe Wald,
Samichlaus, Samichlaus, det isch’s bitter chalt.
Samichlaus, Samichlaus, chumm i oises Huus,
Samichlaus, Samichlaus, wärm dich det grad uf!
(Lena, 8 Jahre)

***

Wer chunnt dänn da?
Das isch dä Samichlaus, aha!
Bitte lär doch feini Sachä us,
Mir sind nämli guäti Chind i dem Huus!
(Lena, 8 Jahre)

Samichlaus, mir froied ois,
Dass du hüt da chasch mit ois
zämesitze, rede, lache.
Luäg, mir händ noch für dich bachä!
(Livia, 12 Jahre)

***

Im Schnnee, im Wald,
mir gönd scho bald
dä Samichlaus go bsuächä.

Bim Liechtli deet,
wo mä chum gseht,
ischs chlinä Hus vom Samichlaus.

Er läbt det mit äm Eseli,
em Schmutzli und dä Tier vom Wald,
und eis devo, das känn ich guät
und weiss, dass es für mich viel tuät:

Es isch dä Vogel Spatz.
Er lost s ganz Jahr,
was ich so mach,
und äs isch wahr –
er weiss sehr guät,
was bi mier so abgah tuet.

Da sitzt er uf äm feischterbrätt,
da sitzt er uf äm Baum,
und lost
und luägt
und merkt sich das
und gahts dänn gogä brichtä.

So weiss dä Samichlaus genau,
was mir durs Jahr guät glungä isch
und chann mir äs feins Säckli gää
für das, was ich han chönnä.

Ich bin sehr froh, dass jedes Jahr
dä Vogel Spatz chunnt
und säg drum:
Dankä, Vogel Spatz! Und dankä, dankä Samichlaus!

Aber wie war das noch mal genau mit dem Samichlaus? Eine der schönsten Samichlaus-Legenden geht so: Nikolaus lebt in Myra, das ist in der heutigen Türkei. Beim Tod seiner Eltern erbt er viel Geld. Statt es auszugeben, möchte er es an ärmere Menschen verschenken und ihnen damit eine Freude machen – aber heimlich. Deshalb wirft er drei armen Mädchen Geld durch den Kamin, das dann zufällig in einem aufgehängten Strumpf landet. Den Menschen bleiben die guten Taten von Nikolaus nicht verborgen, und sie möchten, dass er ihr Bischof wird. So kommt es, und auch als Bischof tut Nikolaus für die Menschen viel Gutes. Am Todestag des Nikolaus von Myra, dem 6. Dezember, kommt der Samichlaus im Gedenken an diesen Wohltäter zu den Kindern, um ihnen mit dem Chlaus-Säckli eine Freude zu machen. Zumindest war es so, bevor man den Nikolaus als strafenden Erziehungshelfer zu missbrauchen begann. Und wie es scheint, haben die meisten Samichläuse heutzutage keine Fitze mehr im Gepäck, sondern wenden sich wieder der Tradition des Freudebereitens zu.