Kennsch du de Paddington? De chli Bär mit em grosse Schlapphuet? Er chunnt us Peru und läbt bi de Familie Braun in England. Döt lernt er ganz vil Sache kenne, woner no nie i sim Läbe vorher gseh oder ghört het. Zum Bispiel goht er anes Konzert. Wetsch au mitcho?  I de reformierte Stadtchile vo Winterthur ghörsch du, was de Paddington am Konzert erläbt. D’Gschicht verzelle tuet d’Delaja Mösinger und de Tobias Frankenreiter macht Musig a de Orgle.